Rapid Adventures නැවතත් South Asian Travel Awards 2024 රන් සම්මාන දිනාගනියි

පසුගියදා නේපාලයේ පැවැති 2024 දකුණු ආසියානු සංචාරක සම්මාන උලෙළේ දී මෙවරත් රන් සම්මානයක් ශ්‍රී ලංකාව වෙත අත්කරදීමට රැපිඩ් අඩ්වෙන්චර්ස් (Rapid Adventures) ආයතනයට අවස්ථාව ලැබී ඇත. මෙම උලෙළ 2024 සැප්තැම්බර් 20 වැනි දින නේපාලයේ කත්මණ්ඩු නුවර ඇලොෆ්ට් කත්මණ්ඩු තාමෙල් හි පවත්වනු ලැබීය.

මෙම උත්සවයට හෝටල්, රිසෝට්, ගුවන් සේවා, සංචාරක නියෝජිතායතන සහ සංචාරක නැව් ඇතුළු විවිධ කාණ්ඩ සඳහා නාම යෝජනා 400කට වැඩි ප්‍රමාණයක් ඉදිරිපත් කර තිබුණි. රැපිඩ් අඩ්වෙන්චර්ස් ආයතනය පසුගිය වසරේ ද SATA රන් සම්මානය දිනා ඇත.

මෙම South Asian Travel Awards 2024 රන් සම්මාන උලෙළ සඳහා නේපාලයේ සංස්කෘතික, සංචාරක හා සිවිල් ගුවන් සේවා අමාත්‍ය බද්‍රි ප්‍රසාද් පාණ්ඩේ මහතා සහ නේපාල සංචාරක මණ්ඩලයේ ප්‍රධාන විධායක නිලධාරි දීපක් ජෝෂි මහතා සහභාගි විය.

රැපිඩ් අඩ්වෙන්චර්ස් ශ්‍රී ලංකා ආයතනය (Rapid Adventures Sri Lanka) ලැබූ මෙම ජයග්‍රහණය තුළින් සංචාරක හා සංචාරක අංශයේ ප්‍රමුඛ බලවේගයක් ලෙස එහි දායකත්වය තවදුරටත් තහවුරු විය.