93 වන රිට්ස්බරි ශ්‍රීමත් ජෝන් ටාබට් ජ්‍යෙෂ්ඨ මලල ක්‍රීඩා තරගාවලිය අතිසාර්ථක ලෙස අවසන් වෙයි
93 වන රිට්ස්බරි ශ්‍රීමත් ජෝන් ටාබට් ජ්‍යෙෂ්ඨ මලල ක්‍රීඩා තරගාවලිය 2025 සැප්තැම්බර් 11 වන දින දියගම මහින්ද රාජපක්ෂ ක්‍රීඩාංගණයේදී අතිසාර්ථක අන්දමින් අවසන් විය. දිවයින පුරා පාසල් රැසක ජ්‍යෙෂ්ඨ අංශවල ක්‍රීඩක ක්‍රීඩිකාවන් 5,000 කට අධික පිරිසක් මෙම තරගාවලියට සහභාගී වූහ.
ශ්‍රී ලංකා පාසල් මලල ක්‍රීඩා සංගමය විසින් සංවිධානය කරන ලද මෙම තරගාවලිය අඛණ්ඩව 13 වන වරටත් බලගන්වන ලද්දේ, CBL Foods International (පුද්) සමාගමේ ප්‍රමුඛතම සන්නාමය මෙන්ම ශ්‍රී ලංකාවේ අංක එකේ චොකලට් සන්නාමය වන රිට්ස්බරි විසිනි. වාර්ෂිකව පැවැත්වෙන මෙම තරගාවලිය මගින් ශ්‍රී ලංකාවේ මලල ක්‍රීඩා ක්ෂේත්‍රයේ කුසලතා වැඩිදියුණු කිරීම සඳහා සුවිශාල මෙහෙවරක් ඉටු වේ.
2025 සැප්තැම්බර් 08 දින සිට 11 දින දක්වා පැවැත්වුණු මෙම තරගාවලියට කෙටි දුර දිවීම, සහය දිවීම, බාධක දිවීම, දුර පැනීම සහ හෙල්ල විසි කිරීම ඇතුළු තරග ඉසව් රාශියක් ඇතුළත් වූ අතර, එම ඉසව්වලදී ක්‍රීඩක ක්‍රීඩිකාවන් රැසක් විශිෂ්ට දක්ෂතා දැක්වීමට සමත් වූහ.
තරගාවලියේ බාලක අංශයේ සමස්ත ශූරතාව තිඹිරිගස්කටුව මාරිස්ටෙලා විද්‍යාලය වෙත හිමි වූ අතර, බාලිකා අංශයේ සමස්ත ශූරතාවය දිනාගන්නා ලද්දේ වත්තල ලයිසියම් ජාත්‍යන්තර පාසල විසිනි. බාලක අංශයේ අනුශූරතාව කොළඹ ශාන්ත බෙනඩික්ට් විද්‍යාලය වෙතත්, බාලිකා අංශයේ අනුශූරතාව වලල ඒ. රත්නායක මධ්‍ය මහා විද්‍යාලය වෙතත් හිමි විය.
තරගාවලියේ විශිෂ්ටතම ක්‍රීඩකයා බවට පත්වීමට අඹගමුව මධ්‍ය මහා විද්‍යාලයේ අයෝමාල් අකලංක සමත් වූ අතර විශිෂ්ටතම ක්‍රීඩිකාව වූයේ ලයිසියම් ජාත්‍යන්තර පාසලේ ජිත්මා විජේතුංගයි.
“වසර 13 කට අධික කාලයක් පුරා ශ්‍රී ලංකා මලල ක්‍රීඩා සංගමය සමග අත්වැල් බැඳගනිමින් අප ශ්‍රීමත් ජෝන් ටාබට් ජ්‍යෙෂ්ඨ මලල ක්‍රීඩා තරගාවලියට අනුග්‍රාහකත්වය ලබා දී තිබෙනවා. මේ වටිනා මෙහෙවර ඔස්සේ ශ්‍රී ලංකාවේ අනාගත පරපුරේ මලල ක්‍රීඩක ක්‍රීඩිකාවන් දිරිගැන්වීමට හැකි වීම අපට මහත් සතුටක්. රට පුරා පාසල් 600 කට අධික සංඛ්‍යාවක මලල ක්‍රීඩක ක්‍රීඩිකාවන් මෙම තරගාවලියට සහභාගී වෙනවා. මෙය රටේ යෞවන මලල ක්‍රීඩක ක්‍රීඩිකාවන්ගේ දක්ෂතා හා කුසලතා මෙන්ම විනය හා අභියෝගවලට ඔරොත්තු දීමේ හැකියාව මැනැවින් පරීක්ෂාවට ලක්වන තරගාවලියක්. මෙවැනි අනුග්‍රාහකත්වයන් ඔස්සේ විශිෂ්ට මලල ක්‍රීඩක ක්‍රීඩිකාවන් මෙන්ම රටට වැඩදායී පුරවැසියන් දායාද කිරීම සඳහා අත්වැලක් වීමට හැකි වීම අපට සමත් සතුටක්.” CBL Foods International (පුද්) සමාගමේ සාමාන්‍යාධිකාරී (අලෙවි) නිලුක්ෂ බැස්ටියන්ස් මහතා පැවසීය.
ශ්‍රීමත් ජෝන් ටාබට් ජ්‍යෙෂ්ඨ මලල ක්‍රීඩා තරගාවලිය පමණක් නොව, රටේ විවිධ ක්‍රීඩා ක්ෂේත්‍රවල තරගාවලි රැසකට මෙබඳු අනුග්‍රාහක දායකත්වයන් ලබාදීමට රිට්ස්බරි දීර්ඝ කාලයක පටන් කටයුතු කර තිබේ. මේ නිසා රටේ පාසල් ක්‍රීඩා ක්ෂේත්‍රය බලගන්වන නියමුවෙකු ලෙස සුවිශාල කීර්තියක් දිනාගැනීමට රිට්ස්බරි සමත් වී ඇත.
