කප්පම් ගැනීමක් ගැන කොළඹ නගරාධිපතිනිය කියයි

Share Button

කොළඹ නගර සීමාවේ කැළි කසල එක් රැස් කිරිම ඊයේ (07) සිට නතර කිරිමට සිදුව ඇති බවත් ඊට හේතුව ඉඩම් ගොඩකිරිමේ සහ සංවර්ධනය කිරිමේ සංස්ථාව විසින් කසල භාර නොගැනීමත් යන්න කොළඹ පුරපතිනි රෝසි සේනානායක මහත්මිය පවසයි.

ඇය මේ බව පැවසුවේ පසුගිය (06) වැනිදා මාධ්‍ය හමුවක් අමතමිනි. කොළඹ නගර සීමාවේ එක් රැස්වන කැළි කසල , ඉඩම් ගොඩකිරිමේ සහ සංවර්ධනය කිරිමේ සංස්ථාවට අයත් කෙරවලපිටිය කසල අංගනය වෙත බැහැර කෙරුණු අතර හිඟ මුදලක් නොගෙවී‍ම හේතුවෙන් (06) වැනිදා සිට ඔවුන් කසල භාර ගැනිම නවතා දමා තිබේ.

මේ හේතුවෙන් කොළඹ නගර සීමාවේ කසල රැගත් ලොරි රථ කෙරවලපිටිය කසල අංගනයට පිවිසෙන මාර්ගය දෙපස නවතා තිබේ.

රුපියල් 3000 ක මුදලක් කසල මෙට්ට්‍රක් ටොන් එකකට කොළඹ නගර සභාවෙන් ගෙවන බවත් 2017 මැයි මාසයේ සිට එම මුදල රුපියල් 5000 දක්වා වැඩි කර හිඟ මුදල ගෙවන ලෙස දන්වා ඇති බව සේනානායක මහත්මිය කියා සිටියේය. කෙසෙනමුත් සම්පුර්ණ මුදල මිලියන 207 ක් බවත් එය නොගෙව්වහොත් කසල භාර නොගන්නා බවත් දන්වා ඇති බව ඇය අනාවරණ කළේය.

මෙවැනි දේ සිදුකළොත් නගර සභාවක් විසින් ජනතාවට ඉටු කළ යුතු දේ කල නොහැකි බව ඇය අවධාරණය කළ අතර තමා මේ සම්බන්ධයෙන් අගමැතිවරයා මෙන්ම ජනාධිපතිවරයාට දැනුම් දීමට උත්සහා කළ බවත් අදාල ඇමැතිවරයා දැනුවත් කිරීමද ඇය විසින් සිදුකළ බව එහිදී කියා සිටියේය.

තවද මෙය ඉඩම් ගොඩකිරිමේ සහ සංවර්ධනය කිරිමේ සංස්ථාව විසින් කප්පම් ගැනීමක් ලෙස තමා දකින බව කොළඹ පුරපතිනි රෝසි සේනානායක මහත්මිය වැඩිදුරටත් කියා සිටියේය.

Share Button

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *