ජනතාව වෙනුවෙන් හරි වෙලාවට තීන්දු ගත්තා

Share Button

කොතරම් මුදල් අපහසුතා තිබුණද නියඟ සමයේදී ජනතාව වෙනුවෙන් රජය විසින් ගත යුතු සියළු තීන්දූ තීරණ අරගත් බව වාරී මාර්ග ජල සම්පත් හා ආපදා කළමණාකරන අමාත්‍යය දුමින්ද දිසානායක මහතා පවසයි.

අමාත්‍යයවරයා මේ බව පැවසුවේ, අනුරාධපුර ඇලයාපත්තුව මහමාන්කඩවල වැලි අමුණ ප්‍රතිසංස්කරණය කිරීමේ සමාරම්භක අවස්ථාවට සහභාගී වෙමින්. ඵලදායිතා ප්‍රවර්ධනය හා වාරී මාර්ග පද්ධති කාර්යක්ෂමතාව වැඩි දියුණු කිරීමේ ව්‍යාපෘතිය යටතේ මෙම අමුණ සංවර්ධනය කෙරේ.

එහිදී වැඩිදුරටත් අදහස් දැක්වූ අමාත්‍යයවරයා, “ ගොවි ජනතාව වෙනුවෙන් මේ තරම් මුදල් වෙන් කරපු, ගොවියා වෙනුවෙන් මේ තරම් කථා කරපු රාජ්‍යය නායකයෙක් ඉතිහාසයේ දැකලා තියෙනවාද,කලින් හිටිය රාජ්‍යය නායකයත් එක්කත් අපි වැඩ කලා, හැබැයි ගොවිජනතාව ගැන හැම වෙලේම කථා කරලා, ගොවි තැනින් මේ ආර්ථිකය ශක්තිමත් වෙන්න ඕන, ගොවියා රැකුනොත් තමයි රට රැකෙන්නේ කියලා කියනවා පමණක් නෙමෙයි, ඒ සඳහා මුදල් වෙන් කරලා, වැඩ හදලා, ජල යෝජනා ක්‍රම අලුතින් නිර්මාණය කරපු නායකයෙක් ඉතිහාසයේම ඉඳලා නෑ.පක්ෂ විපක්ෂ බේද පැත්තකින් තියලා හිතන්න, එහෙම නායකයෙක් මට පෙර ලැබිලා නෑ.ඒ දේවල් අපිට ලැබෙන්නේ මෛත්‍රීපාල සිරිසේන මහත්තයා නමට කියාගන්න ගොවියෙක්ගේ පුතෙක් නෙමෙයි, හැබෑවටම ගොවියෙක්ගේ පුතෙක් විදිහට අදටත් ගොවිතැන ගැන දන්න, ගොවිතැන් කරන පුද්ගලයෙක් විදිහට ගොවියාගේ අමාරුකම්, ගොවියාගේ වටිනාකම එතුමා දන්න නිසා තමයි එතුමා ගොවිජනතාව වෙනුවෙන් මෙතරම් මුදල් ප්‍රමාණයක් හා වැඩ ප්‍රමාණයක් මේ රට ජලයෙන් ස්වයං පෝෂිත කරන්න ඕන කන්න 03 ක් වගා කරන තැනට ජලය හොයා ගන්න ඕන කියන තැනට ජනාධිපතිතුමන් ගිහින් තියෙන්නේ එතුමා ගොවියෙක් නිසයි “යැයි පැවසීය.

මෙම අවස්ථාවට මහා සංඝරත්නය, හිටපු අමාත්‍ය ඩබ්.බී ඒකනායක මහතා ඇතුළු දේශපාලන නියොජිතයින්, ගොවි සංවිධාන නියෝජිතයින් හා ගොවි ගෙවිලියන් විශාල පිරිසක් එක්ව සිටියහ.

ජනතාව වෙනුවෙන් හරි වෙලාවට තීන්දු ගත්තා

ජනතාව වෙනුවෙන් හරි වෙලාවට තීන්දු ගත්තා

Posted by Lanka News Network (LNN) on Sunday, 7 October 2018

Share Button

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *